Breytingar og endurgerð á friðuðu timburhúsi frá 1907

Útliti hússins var breytt með byggingu þakkvists á austurhlið, er snýr að Tjörninni. Breytingin tekur mið af aðliggjandi húsum og styrkir götumyndina. Litaval utandyra var endurskoðað með hliðsjón af nærliggjandi umhverfi og aldri hússins.

Breytingar innanhúss fólust í endurskipulagi efri hæðar, endurgerð baðherbergja og endurnýjun allra fastra innréttinga. Efnis- og litaval tekur mið af tíðaranda hússins í bland við klassíska nútímalega hönnun.