Endurgerð á Þingvallabænum frá 1930

Þingvallabær stendur við Þingvallakirkju í þjóðgarðinum á Þingvöllum. Húsið var reist árið 1930 í tilefni af 1000 ára afmæli Alþingis eftir teikningum Guðjóns Samúelssonar. Í upphafi voru burstirnar þrjár og húsið með torfþaki, í anda gömlu torfhúsanna. Þakhallinn reyndist hins vegar of mikill til þess að torfið héldist á þakinu og á árunum 1970–1974 var torfþakinu skipt út fyrir járnþak og tveimur burstum bætt við til suðurs. Húsið hefur meðal annars verið bústaður prests Þingvallakirkju og þjóðgarðsvarðar.

Endurgerð hússins fór fram árið 2021.