Persónuvernd

Persónuverndarstefna

Gláma+Kím leggur áherslu á að vernda persónuupplýsingar þeirra sem heimsækja vefsvæði okkar og eiga við okkur samskipti. Hér er skýrt hvaða upplýsingum við söfnum, hvers vegna, hversu lengi við varðveitum þær og hvaða réttindi þú hefur.

Vinnsla persónuupplýsinga hjá okkur er í samræmi við lög nr. 90/2018 um persónuvernd og vinnslu persónuupplýsinga og almennu gagnaverndarreglugerðina (ESB) 2016/679.

1. Ábyrgðaraðili

Ábyrgðaraðili vinnslu persónuupplýsinga er:

• Gláma+Kím
• Kennitala 560496-2739
• Laugavegi 164, 101 Reykjavík, Ísland
• glamakim@glamakim.is
• +354 530 8100

2. Hvaða upplýsingum við söfnum

Við söfnum eingöngu þeim upplýsingum sem nauðsynlegar eru fyrir starfsemi vefsvæðisins og samskipti við þig:

• Upplýsingar sem þú sendir okkur. Þegar þú fyllir út samskiptaformið söfnum við nafni, netfangi, símanúmeri, tilefni erindis og þeim skilaboðum sem þú skrifar. Netfang og skilaboð eru nauðsynleg til að við getum svarað erindinu; aðrar upplýsingar eru valkvæðar.
• Tæknilegar upplýsingar. Vefþjónninn skráir IP-tölu, gerð vafra og tímasetningu heimsóknar í öryggis- og villuskrár.
• Heimsóknarupplýsingar. Við notum vefmælingar sem vistaðar eru í okkar eigin kerfi til að sjá hversu margir heimsækja síður vefsvæðisins og hvaðan þeir koma. Þessar upplýsingar eru ekki sendar þriðja aðila og eru ekki notaðar til að rekja þig milli vefsvæða.

Við söfnum ekki viðkvæmum persónuupplýsingum og biðjum þig um að senda okkur ekki slíkar upplýsingar í gegnum vefformið.

3. Lagagrundvöllur og markmið vinnslu

• Samþykki. Þegar þú sendir okkur erindi í gegnum vefformið vinnum við upplýsingarnar á grundvelli samþykkis þíns, í þeim tilgangi að svara erindinu.
• Lögmætir hagsmunir. Öryggisskrár og vefmælingar byggja á lögmætum hagsmunum okkar af því að halda vefsvæðinu öruggu og þróa það áfram.
• Framkvæmd samnings. Ef samstarf hefst í kjölfar erindis kann vinnsla að byggja á samningi milli þín og okkar.

4. Vefkökur

Vefsvæðið notar aðeins þær vefkökur sem nauðsynlegar eru til að það virki eðlilega, svo sem til að hlaða síðum hraðar og til að vinna úr innsendum formum. Við notum ekki vefkökur frá þriðja aðila til markaðssetningar og engin auglýsinganet fá upplýsingar um heimsókn þína.

Þú getur hvenær sem er eytt vefkökum eða hindrað þær í stillingum vafrans. Það kann að hafa áhrif á virkni einstakra hluta vefsvæðisins.

5. Hverjir fá upplýsingarnar

Við hvorki seljum né leigjum persónuupplýsingar og deilum þeim ekki með þriðja aðila í markaðslegum tilgangi. Til að reka vefsvæðið nýtum við þjónustuaðila sem vinna upplýsingar í okkar nafni og eftir okkar fyrirmælum:

• Þjónustuaðila vefhýsingar, sem vistar vefsvæðið og gagnagrunn þess.
• Þjónustuaðila tölvupóstsendinga, sem kemur erindum úr vefforminu til okkar.

Upplýsingum er aðeins deilt með opinberum aðilum ef okkur er það skylt samkvæmt lögum.

6. Varðveislutími

Erindi sem berast í gegnum vefformið varðveitum við eins lengi og þörf er á til að afgreiða þau og til að geta rakið samskiptasögu ef þú hefur samband aftur. Þegar upplýsinganna er ekki lengur þörf er þeim eytt. Öryggis- og villuskrár varðveitast skamma stund og eru síðan yfirskrifaðar.

7. Réttindi þín

Þú átt rétt á að:

• fá upplýsingar um hvaða persónuupplýsingar við vinnum um þig og fá afrit af þeim,
• fá ónákvæmar eða ófullnægjandi upplýsingar leiðréttar,
• fá upplýsingum eytt þegar við höfum ekki lengur réttmæta ástæðu til að varðveita þær,
• andmæla vinnslu eða fara fram á að hún verði takmörkuð,
• afturkalla samþykki sem þú hefur veitt, hvenær sem er,
• fá upplýsingar þínar fluttar til annars aðila þar sem það á við.

Til að nýta þessi réttindi er nóg að senda okkur erindi á glamakim@glamakim.is. Við svörum eins fljótt og unnt er og eigi síðar en innan mánaðar frá því að erindið berst.

8. Kvörtun

Ef þú telur að vinnsla persónuupplýsinga hjá okkur sé ekki í samræmi við lög getur þú sent okkur erindi. Þú getur einnig lagt fram kvörtun hjá Persónuvernd, sem hefur eftirlit með framkvæmd persónuverndarlaga á Íslandi, á personuvernd.is.

9. Breytingar á stefnunni

Við kunnum að uppfæra þessa stefnu, til dæmis ef starfsemi vefsvæðisins breytist eða vegna breytinga á lögum og reglum. Nýjasta útgáfan er alltaf birt á þessari síðu.